ORANJESTAD, Aruba - 24 di juni, 2009:
"Nos mester celebra nos triunfonan", asina e Director di Aruba Bank , Edwin Tromp a bisa. E ta referi aki na e celebracion cu e banco a organisa pa e hungadornan di "Aruba Bank Lady Tigers Softball Team" cu recientemente a titula campeon den liga di Softball Damas. Aruba Bank Lady Tigers a termina campeonato 2008/2009, invicto cu 10 wega. Tambe Aruba Bank Lady Tigers a conquista e sigiente titulonan; Champion batter y champion homerun ; Riangela Flanegin.
Champion pitcher ; Rudlyn Ras. MVP ( hungador mas valioso ), pa su prestacion durante playoff, como pitcher, batter y fielder.
Durante Play off semi final a gana 2 wega y final a termina cu 3 gana y 2 perdi como campeon di Liga Flamboyan, A.S.B.
Pa Aruba Bank, e celebracion aki ta simbolisa cu nan relacion cu e ekipo deportivo ta mucho mas cu djis un patrosinio. Aruba Bank Lady Tigers to consisti di 16 hungador cu ta varia entre e edad di 13 pa 25 aña. E miembronan di staff tecnico ta; Manager ; Lucio Geerman, asst. coach Helen Rasmijn, Patricio Jacobs y Minguel Tromp. Aruba Bank ta patronisa e team di Aruba Bank Lady Tigers for di 2007 y tur aña e tigernan di Aruba Bank Lady Tigers sa di score. Aki ta sigui un relato chikito di tur e titulo nan cu Aruba Bank Lady Tigers a retene e ultimo aña nan:
2007 ; A.S.B ; Liga Hubenil - campeon.
A.S.B ; Liga Flamboyan - subcampeon
Pro Softball ; Liga Orkidia - 3 lugar
2008 ; Aruba Little League ; Senior ; Campeon
Champion batter; Riangela Flanegin, champion pitcher Rudlyn Ras.
Crystal Koolman ; hungador " ehemplar di anja " pa su prestacion y disciplina
tanto riba como pafor di tereno durante henter e anja.
2009 ; A.S.B ; Campeon. Total di weganan hunga ; campeonato regular, invicto cu 10 wega
hunga; playoff semi final y final ; 5 gana y 2 perdi ; total 15 gana - 2 perdi.
champion batter y homerun ; Riangela Flanegin, champion pitcher ; Rudlyn Ras.
MVP ; Rudlyn Ras, pa su prestacion durante playoff, tanto como pitcher, batter y
fielder.

Durante un rato masha placentero Carlos Bikker, Presidente di Lady Tigers a haci entrega di un plakaat di gradicimento na Shanoulle Bikker, Marketing & P.R. Manager di Aruba Bank y e ekipo a repasa e campeonato completo y a priminti cu otro aña nan lo come hunto cu e ehecutivo di Aruba Bank atrobe, ora nan celebra nan siguiente triunfo.